Feel free to email us at panehmiang@gmail.com.

Friday, November 22, 2013

Kalo ADUN kacau bini orang camno pulak Tok Mad?


Baru den tau ghupo eh selamo ni ramai JKKK Negeri Sembilan suko kacau bini oghang.

Tapi Tok Mad kono la belaku adil jugak. Takkan la JKKK ajo yang kono bersyarat. ADUN dan Exco Kerajaan Negeri camno pulak?

Ado ADUN yang bukan takat kacau bini oghang, anak daro oghang pun ado. Siap ado yang terkawin staf sendiri. Kawin duo tu memang la dibulihkan dalam Islam. Tapi ini politik persepsi yang bulih menjunu-janahkan Negeri Sembilan. Oghang bocakap, asal sonang sikit, bekuaso sikit, mulolah perangai lobih boyo dari buaya!!

Perangai ADUN Negeri Sembilan ni dalam poket kami yor Tok Mad. Kok ado yang tebongkar, mau hulu-hala Negeri Sembilan ni sok.

Tapi alang-alang dah lotak syarat pado JKKK yang tak kacau bini oghang, eloklah Tok Mad lotakkan beberapo syarat tambahan dalam kriteria memilih JKKK. Antaro kriteria yang patut ado pado JKKK;

1. Sekughang eh memasing ado SPM, lagi baguih kok ado diploma. Takdo la JKKK ni dipandang lekeh dek masyarakat.

2. Pastikan JKKK ni tak buto IT. Mano tak eh ado JKKK yang tanyo kek mano nak boli pesbuk. Mau pengsan Mark Zuckerberg dongar.

3. Pastikan jugak JKKK ni sihat walafiat tubuh badan dan mental. Bukan takat jarang sakit, tapi cakap pun jangan merapu bonar doh. Mano tak poning rakyat kok caro pikir JKKK ketinggalan berbanding orang keliling. Zaman dah berubah, carilah oghang yang lobih advance.

4. Paling ponting pilih JKKK yang bukan kaki songlap, bukan kaki 'koncing', bukan kaki pocah amanah, bukan kaki rasuah etc.

5. Last sekali JKKK ni jangan la dipilih yang jobo bonar. Biarlah yang merendah diri, berakhlak, faham masalah rakyat, takdo skandal dan menepati janji sobab slogan BN kan janji ditopati. Ini kenkadang janji sekian-sekian tapi bueknyo tidak. Cam hampeh!!

Apo-apo pun Rosmah tetap gembira walaupun dikritik naik private jet. Eh..eh..apo kono mengono Rosmah dongan isu JKKK ni? Ala..buek-buek tanyo plak. Kan Rosmah pun bokeh bini oghang yang ponah kono kacau. Heh!!

5 comments:

  1. Lahhhhhhh ponek2 den merantau & pindah nogori semilan; cenggini ghupo eh pulak politik tunggang tebalik....tapi spot-on bull-eye la sobijik kono..

    ReplyDelete
  2. he..he..hee...den setuju bonar ngan cadangan tok blogger ni.....

    ReplyDelete
  3. syarat-syarat tu tak mungkin tercapai pasal yang tingga dalam UMNOni sumo yang bodoh dan bangang yo...heheh

    ReplyDelete
  4. tu lah pun tujuan e macai umno kojo kuek untuk umno ... tak sumo dapek jadi yb ... jadi jkkk pun untung dah ... dapek ngabo bini orang ... kalau tak bini orang, misti jando ... cuba cek cawangan umno mano yang tak ado jando dalam wanita umno atau puteri umno ..... sumo ado....!!!!!!!!!!!

    ReplyDelete

Blog Archive